Viðbrögð SamASÍvænGræn

Hvernig stendur á því að SamASÍvænGræn velja nú að fara í einhverskonar áróðurstríð við heimilin í landinu. Heimilin eru búin að hafna því drullumixi sem verið er að bjóða uppá og hafa marg lýst yfir áhuga á samningaviðræðum um sanngjarnar lausnir sem jafna ábyrgð milli skuldara og kröfuhafa.

Væri ekki nær að tala við Hagsmunasamtök heimilanna sem eru með sanngjarnar kröfur um lagfæringu gengistryggðra lána og 4% þak á verðtryggingu frá jan2008. Það fer enginn í greiðsluverkfalli sér til skemmtunar.

Það er náttúrulega grátlegt að horfa uppá GylfaASÍ hlaupa til sem einhverja hvunndagshetja. GylfiASÍ er stór ef ekki stærsti hluti af vandamálinu. Hann sem málsvari almúgans hefur alveg svikið lit og gengið til liðs við hátekju fjármagnseigendur. Sé hægt að tala um hámark hræsninnar, þá á það við hér.

Undanfarin ár hefur löggjöf Íslendinga verið skrifuð af innheimtulögfræðingum og fjármagnseigendum. Afleiðingin er sú að réttarstaða skuldara en nánast engin. Lög um gjafsókn virka ekki, lög um hópmálsók er ekki einu sinni til, ef þú lendir í gjaldþroti þá er það ævilangt og skotveiðileyfi á heimili þitt er ótakmarkað. Meira að segja í USA myndu menn roðna vegna þessa siðleysis.

Eftir áratuga níðingsskap á almenningi eru innheimtulögræðingarnir og SamASÍvænGræn alveg undrandi að fólk sé búið að fá nóg. Þessir aðilar sýna fólki fulla hörku, og eru nú að væla þegar fólk ætlar að svara af hörku.

Heimilin hafna því að Ísland sé skuldeigendavænt og gera kröfu um að Ísland sé fjölskylduvænt.

Greiðsluverkföll ekki mikið nefnd