Arfavitlausar tillögur !

Hagsmunasamtök bankanna hafa nú lagt fram, í samstarfi við Rískisstjórnina, Arfavitlausar tillögur sem eru hreinar blekkingar. Nú á ekki bara að reikna lán með Bull-vísitölu heldur á að bæta við Rugl-vísitölu og svo á allt þetta að reikna út hreina Vitleysu fyrir skuldarann og hann á bara að halda kjafti og borga.

Áróðurspésar Hagsmunasamtaka bankanna og stjórnvalda hafa tekið sig til og klippt út orð í tillögum Hagsmunasamtaka heimilanna og límt inn í eldgalmar teygju og stökkbreytingatillögur sínar sem þjóðin er búin að hafna. Þetta má glöggt sjá í orðalagi; "leiðrétting afborgana" "Greiðslur af verðtryggðum lánum miðist við 1. janúar 2008" o.s.fv. Þett eru ekki einu sinn hugtök. Hvað táknar "leiðrétting afborgana" ?

Það er semsagt klippt út orðið leiðrétting og 1. janúar 2008 og áróðurpésarnir fá skipun að ofan: "klínið þessu inní gamla draslið og munið að fólk er fífl" (haft eftir flugu á vegg í Féló).

Svo er þessu rugli hent í Hagsmunasamtök heimilanna korter í Greiðsluverkfall, sem að sjálfsögðu er bara keyrt áfram eins og ekkert hafi í skorist.

Nei, það er kominn tími til að skuldarar sýna samstöðu og berja fram breytingar, annars verður hver króna barin úr skuldurum !

Með illu skal illt út reka . . .

Greiðsluverkfall hafið

Gjörbreytt staða

Ísland hefur á augabragði komist í góða samningsstöðu, þökk sé Framsókn.

Nú getum við sent AGS til síns heima, sem er þar sem sólin aldrei skín, brennt allt IceSlave ruglið og gleymt ESB ruglinu.

Framsókn og InDefence eru nú bara himnasending fyrir Íslendinga

Takk góðu bræður frá Noregi

Vilja lána 2000 milljarða

Félag Vitringa Heimsins

Eru þetta ekki næstum allir Vitringarnir sem komu Íslandi í klessu. Það ætti að setja neyðarlög stax að þessir Vitringar fái ekki að tjá sig við "venjuleg" fólk í 3-4 ár. Þessu rugli mætti líkja við að skipstjórinn á Títanic væri að hösla miða í næstu ferð með sjóinn upp í axlir.

Þessi lausn er svo einföld og hentug fyrir skuldsett heimili (neytendur) að það þarf að senda starfsfólk Íslandsbanka (áður Glitnir áður Íslandsbanki áður eitthvað annað nafn) á námskeið í heilan mánuð til að geta höslað þessu drasli upp á almenning. Félagsmálaráðherra þarf margar vikur til að útskýra þetta fyrir okku EkkiVitringum landsins.

Þessu frábæra lausn er einföld, þér er hjálpað að "fixa" mánaðarmótin næstu 2-3 árin, á meðan stökkbreytti höfuðstóllinn þinn er á BREYTILEGUM VÖXTUM og heldur áfram að stökkbreytast sem þýðir að það er búið að lengja í snörunni. Hmm heyrt það áður. Þetta er semsagt sami skíturinn með nýju lagi af glassúri.

Þetta endar sennilega með því að settir verða upp spilakassar frá Happadrætti Háskólans (sem framleiðir flesta þessa Vitringa)í alla banka og áður en þú ferð til gjaldkera spilaru í kassanum og færð út hvað þú átt að borga.

Það vita allir (sem vilja vita ala Guðmundur ASÍ) að kassarnir eru forritaðir þannig að greyin spilafíklarnir tapa alltaf á endanum, það er nefnilega skilgreining á geðveiki að gera alltaf sama hlutinn aftur og aftur en vænta í hvert skipti annarar niðurstöðu.

Ég óska eftir fundi hjá Félagi Heilbrigðar Skynsemi sem allra fyrst.

Borgað af lánum eftir tekjum

Háskólapróf í afleiðum skilyrði

Þetta vísitölurugl á Íslandi er komið út fyrir allt velsæmi. Það er ekki nema von að 80% Íslendinga botna ekkert í fjármálum (fjármálalæsi)

Til að geta tekið lán á Íslandi þarf fólk að vera með háskólapróf í Afleiðuviðskiptum og Áhættustýringu. Breytan í lánasamningum sem kölluð er gengis- eða verðtrygging er algjörlega óútreiknanleg. Meira að segja háskólaprófsGengið niður í Seðlabanka og á ÖLLUM greiningadeildum bankana hafa aldrei náð að hitta á réttar tölur.

Hvernig er hægt að bjóða almennum neytendum sem ætla bara í sakleysi sínu að kaupa húskofa eða bíl druslu svona rugl fjármála afurð.

Tökum dæmi: einhver óreiðupési kaupir bíl á 2 millur og teku 1 millu í lán, hann er búinn að borga eins og vitleysingur 800 þús en skuldar nún 2,5 millur. Og þessi hálfviti er núna að væla þegar sýslumaður er að taka hann í görnina.

Þessi sami pési keypti líka íbúð, æ margfaldaðu bara dæmið að ofan með 10 ég nenni því ekki.

DaVinci lykilinn að þessu dæmi er: NEYTENDAVERND. Ég veit þetta er hugtak sem lítt er brúkað hér á Íslandi, en neytandi á að geta TREYST stjórnvöldum til að hugsa um lágmarks réttindi sín.

Ég verð að segja að það eina sem kanski vantar í þessar tillögur Hagsmunasamtaka bankanna er að allir sem skrifa undir þetta rugl fái fyrst 8 ár í háskóla frítt frá HB til að nema ofangreind fræði og málið dautt.

Líklega niðurfelling hjá fleiri bönkum

Stokkhólmseinkennið

Er það ekki þegar gíslum er farið að þykja vænt um ofbeldismennina sína. Ég held að Jóhanna og Steingrímur ,greyin, séu haldin þessu Stokkhólmseinkenni.

Það besta sem getur komið fyrir Ísland núna er að við fáum ekki AGS lánið og tökum skellinn, þ.e. horfust í augu við raunveruleikann. Þetta stjórnarLeikrit er að verða einn allsherja harmleikur.

Þarf niðurstöðu fyrir helgi

Jóhanna: Þolinmæði þjóðar þinnar er á þrotum

Hvernig stendur á því að helsti andstæðingur við hugmyndir Hagsmunasamtaka heimilanna séu "félagshyggjuflokkar" landsins, sem þannig háttast til að eru við stjórnvölinn núna og endalaust setja sama bullið í nýjar umbúðir. Það er eins og einhver hafi klippt orð úr fjölmiðlum undanfarna daga og sett yfir gömlu tugguna þar sem þau gætu passað. En tillagan er sú sama; "meðan þú rétt getur "fixað" næstu mánaðarmót hvaða máli skiptir að vera milljón trilljón í mínus" Sennilega er þetta sama hugmynd og ríkið er að reka sig núna.

Þessir "félagshyggjuflokkar" eru með öll spjót úti til að bjarga bönkunum. Ég muldra nú með mér orðtækið: "Því hærra sem apinn klifrar í tréð, því betur sést í blessaðan berann rassinn".

Háttvirtu "félagshyggjuflokkar" Íslendingar eru upp til hópa (ca.80%) búnir að fá upp í kok á að það þurfi háskólapróf í áhættustýringu og afleiðuviðskiptum til að taka "fokking" lán fyrir kofanum og bíldruslunni. Að hafa brjálaða breytu í lánasamningum sem heyta gengis- eða verðtrygging gengur ekki upp, "vér mótmælum öll" (þ.e. 80% af þjóðinni) Hin 20% eru sennilega með milljón trilljón í laun og eiga fullt af skuldabréfum og peningum.

Jóhanna: Þolinmæðin á þrotum

30-40% launahækkun fyrir alla !

Ef ASÍ vill sanna að þeir séu að vinna fyrir launamenn á Íslandi þá hljóta kröfur um launahækkanir að vera 30-40% jafnvel hærra. Þessi hækkun rétt nær að halda í verðþróun.

Verðtryggingin myndi reyndar éta upp bætt kjör á 2 vikum. Kjaramál á Íslandi eru föst í svikamyllu þar sem launamenn tapa alltaf. Þessari svikamyllu er viðhaldið með hjálp ASÍ.

Eina leiðin í dag til að brjótast úr þessari svikamyllu er greiðsluverkfall. ASÍ mun ekki gera neitt fyrir launafólk.

Ekki gera ekki neitt vertu með í greiðsluverfalli www.heimilin.is

Óttast að kjarasamningurinn muni ekki halda

Uppreisnarvíkingar

Nú er komið að almenningi á Íslandi að leggjast í víking, svona uppreisnarvíking og fara í greiðsluverkfall. Það er ljóst að stjórnvöld hafa ekkert verið að gera fyrir heimilin allt þetta ár og gera ekkert nema þrælpínd í verkið.

Ekki er ennþá verið að ræða við Hagsmunasamtök heimilanna, sem sannar að sama ruglið á bara að halda áfram.

Munið að skrá ykkur á www.heimilin.is

Ræða um greiðsluvanda heimila

Þeir hafa þá verið rammfalskir ?

Þ.e. stengir stjórnarflokkana fyrst kominn er tími á að stilla þetta rugl eitthvað í takt við raunveruleikann á Íslandi í dag. Þesir vitringar "eiga von á að skuldamál heimilanna verði aðalmálið" Það gæti bara vel verið að þetta fólk rétt nenni að ræða það. Það er kanski óþarfi fyrir Hagsmunasamtök heimilanna að vera hissa á að þessir vitringar ræði ekki við samtökin þegar stjórnarflokkarnir ræða ekki einu sinni sín á milli.

Það er ljóst að stjórnarflokkarnir eru farnir að finna fyrir þrýstingi vegna yfirvofandi greiðsluverfalls 1. okt Þeir ættu að koma til samningafundar sem allra fyrst við HH. Þessi mál verða ekki leyst nema í samráði við þjóðina, og HH hefur greinilega stillt sína strengi með þjóðinni og hljóma því vel.

Ég segi bara "koma svo" stjórnarflokkar að samningaborði með HH.

Muna að skrá sig á www.heimilin.is

Stilla saman strengi

Verðtrygging er skipulagður blekkingavefur

Á Íslandi þarf fólk að vera sérfræðingar í afleiðuviðskiptum til að taka einfalt lán til heimiliskaupa. Það er ekki nokkur möguleiki að þessi blekkingavefur standist skoðun í ljósi neytendaverndar og manréttinda.

Ef einstaklingur hefur t.d. hug á að taka lán til húsnæðiskaupa til 40 ára, 10 milljónir, segjum í janúar 2008 þá eru einu opinberu upplýsingarnar sem í boði eru verðbólguspá Seðalbankans. Á þessum tíma var spáin 2,5% í mesta lagi 4%. Neytendur hugsuðu væntanlega með sér, og settu kannski inn í lánareikni, ok 4% MAX verðbólga, þessi heimilisáætlun er góð. Í framhaldi er farið í kaupin og lánið tekið. Undanfarna 12 mánuði er búin að vera 12,9% verðbólga, í dag er staðan á láninu 11 milljónir og samt búiða að greiða 1,3 milljónir. Þetta gerist á 12 mánuðum. Þetta er náttúrulega bilun. Miðað við sömu verðbólgu í 40 ár þá er heildarendurgreiðsla á láninu 368 milljónir. Lántaki er fullkomnlega berskjaldaður.

Varðhundar verðtryggingar segja: "ef ekki er verðtrygging þá þurfa vextirnir að vera hærri" eða með öðrum orðum þá sæi fólk hvaða vexti er verið að fara fram á. Það er sennilega verið að tala um 18-22% vexti ef verðtryggingin er ekki notuð. Það myndi enginn taka lán til húsnæðiskaupa á þessum vöxtum, og þá er brugðið á það ráð að blekkja neytendur.

Varðhundar verðtryggingar segja: "það myndi enginn lána á Íslandi ef ekki væri verðtrygging" það er semsagt verið að segja að það er enginn grundvöllur fyrir heilbrigða lánastarfsemi á Íslandi, nema neytendur séu kerfisbundið beittir blekkingum.

Ég tel að þrír aðilar komi að útgáfu þessara skuldaafurðar, þ.e. lánari, skuldari og ríkið (Seðlabanki). Síðan þegar Seðlabanki bregst, verðbólgumarkmið voru blekking og skuldarar sitja í súpunni þá kemur í lós að stjórnvöld fría sig allri ábyrgð. Samspillingin fer fremst í flokki að verja þessa blekkingu, og Vinstri Vænir eru svo vænir að fylgja með.

Af ávöxtunum þekkist tréð, niðurstaða blekkingavefs mammons; 55% heimila á barmi gjaldþrots og 70% fyrirtækja fylgja með.

Ég skora á þig að skrá þíg í Hagsminasamtök heimilanna www.heimilin.is og taka þátt í greiðsluverkfalli 1. okt n.k. Fyrsta verkfall á Íslandi snerist um 6 klst lágmarks svefn, það þykir víst sjálfsagt mál í dag en það var mikil barátta á sínum tíma.

Ná ekki endum saman