Leikhús fáranleikans

Ég held að þessir Samfélagssáttmálagaurar ættu að fá Edduna næst fyrir þetta frábæra leikrit sem landsmönnum er boðið uppá. ASÍ er á fullu að reyna að verja 0% launahækkunina sem láglaunafólk náði fram með mikilli samningshörku. Stökkbreytingar á höfuðstól heimilanna eru ekki einu sinni til umræðu hvað þá klikkaðar verðhækkanir á nauðsynjum.

Ég held að betra væri að allt þetta Samfélagssáttmálalið fengi bara vinnu hjá Þjóðleikhúsinu þar sem svona leikrit og spuni eiga heima, og alvöru verkalýðsleiðtogum einsog Vilhjálmi frá Akranesi yrði hleypt að til að semja í alvörunni fyrir almenning.

Bíða eftir svari Steingríms J.

Athugasemdir

[Rúnar Berg Baugsson (IP-tala skráð) 28.10.2009 kl. 00:22]

hmm, ágætis byrjun svosem.

Lýst samt betur á hugmyndina um að við einfaldlega rekum yfirmennina okkar, hunsum stjórnvöld og skiptum arðinum sjálf á milli okkar samkvæmt okkar forsendum. Það er óþarfi að auka í hírarkíska valdastiganum með einhverskonar verkalýðsforystu. Við ættum frekar að brjóta núverandi valdastiga niður þangað til að allt yfirvald og fasískir stjórnarhættir hverfi úr fyrirtækjunum. Þannig að rekstur fyrirtækja fer algjörlega eftir sameiginlegum ákvörðunum þeirra sem raunverulega standa að honum (þ.e. vinnandi fólks) en ekki arðræningjum (þ.e. margra yfirmanna og allra eiganda/hluthafa/stjórnmálamanna). Störf verkalýðsforystu eru einungis til þess fallin að gefa tímabundin bæti og koma í veg fyrir alvöru, algeran stéttasigur verkalýðsins (þ.e. bylta valdakerfi fyrirtækjana).

Í stuttu máli. ASÍ og SA liðið má alveg fara að vinna í þjóðleikhúsinu, hjá IGS eða á olíuborpöllum í norðurhafi, en það væri líka algjör óþarfi að fá einhverja í staðin fyrir þá.