TITANIC

Ég var að horfa á Titanic (bíómyndina) um daginn. Ég verð að segja eins og er að atburðaráin þar minnti mig á Íslandi í dag.

Þegar skipið fór að sökkva þá læstu skipstjórnarmenn almenning (second class) neðan þilja. Á sama tíma var aðallinn (saga class) að máta sætin í björgunarbátunum. Ekki var talið ráðlegt að fullnýta sætin í björgunarbátunum, og alls ekki að hleypa almenningi um borð. Flestir sem drukknuðu voru á second class.

 Ég skora á þig að horfa aftur á myndina í þessu samhengi.

Margir íhuga greiðsluverkfall

Athugasemdir

[Páll Blöndal, 3.5.2009 kl. 01:28]

Já Axel
Þetta er ekki svo galin samlíking og í raun meira en bara samlíking.
En þessa tilfinningu hafði ég þegar hrunið dundi yfir og maður fór að skoða viðbrögð og yfirlýsingar ráðamanna þegar aðvaranir bárust um hættuástandið.
En ég er ekki alveg búinn að missa vonina, þ.e ef þessi ríkisstjórn tekur hressilega á málunum strax og með afgerandi hætti.

[Anna Sigríður Guðmundsdóttir, 3.5.2009 kl. 11:00]

Horfði líka á Titnic um daginn á einni norðlensku stöðinni og samlíkingin er góð. Verst er ef við ætlum öll að loka augunum fyrir staðreyndum sem eru framundan. Í gær horfði ég á sænska stöð þar sem maður sá hina dökku hlið evrunnar. Mæli með ef fólk hefur með nokkru móti efni á norðurlandastöðvunum að veita sér það. það er helmingi ódýrar en stöð 2. þar fær maður fræðslu sem ekki fæst á íslensku stöðvunnum. Nauðsynlegt að sjá allar hliðar á málunum og sérstaklega núna. Kjósa svo ESB út af borðinu svo verði vinnufriður með aðalatriðin. Kjörseðlarnir gætu verið með val um nokkra möguleika ekki bara ESB. það var ekki verið að kjósa um ESB í kosningunum 25 apríl heldur til alþingis. Svo þarf að drífa í að hjálpa þeim sem tóku okurlán á síðustu árum. Seinna er svo hægt að rukka seku okurlánarana fyrir þeim kosnaði þegar búið er að dæma í málunum. Dómstóll götunnar er ekki lokadómur. Vil heldur efla réttarkerfið en veikja það. Ættu náttúrulega að vera mjög háar sektir við svona okurlánaræningjum. En ef verður ekki kosið stax um ESB verður einfaldleg allt vitlaust hér. Örvæntingar fólks eru skiljanlegar. Og afleiðing biðtíma verður enn meiri örvænting. Afbrot aukast og allt fer endanlega úr böndunum. þau hafa nú þegar aukist mikið eðlilega. það er ekki boðið uppá annað. það er ekki hægt að loka augunum fyrir þessu.