Forsendubrestur verðtryggðra lána

Það er ekki hægt að bjóð lántökum lengur uppá þessa ræningjaReiknivél sem verðtryggingin er og engin getur botnað í.

Verið er að reikna bull verð á vörum sem seljast ekki, það er ekki tekið sölumagn inní útreikninga né breyting á neysluvenjum. Það vita allir sem vilja að fasteignaverð hefur lækkað um 30-40%. Hagstofan vinnur við að reikna upp, alls ekki niður með vægast sagt vafasömum aðferðum.

Ástæðan fyrir því að þetta er ekki gert í vestrænum löndum (nema á viðskiptum milli fjármálasérfræðinga) er sú sama að krabbameini er ekki sprautað í fólk, það stenst ekkert siðferði.

Ég tel að lánþegar eigi að njóta jafnræðis með lánaeigendum. Þ.e: peningaeign=lánaeign=húseign=lausafjáreign=tímaeign(þ.e. laun).

Á Íslandi hefur skipulega verið búnir til elítuhópa sem njóta sérkjara; kvótaeigendur sjá um að rukka auðlindaskatt og setja í sinn vasa, lánaeigendur eru með sterkasta gjaldmiðil í heimi og rukka miskunarlaust af almenningi sem minnir helst á lömb á leið til slátrunar, þau bara þegja.

Ég get ekki skilið hvernig Ísland stenst lágmarks mannréttindi.

Verðbólgan mælist 7,3%

Athugasemdir

[Sumarliði Einar Daðason, 24.2.2010 kl. 13:33]

Mjög góðir punktar hjá þér!

[Hörður Halldórsson, 24.2.2010 kl. 14:05]

Ef þú lánar mér vínflösku viltu fá flösku til baka  þú þarft ekki ekki margar.Ég var hlynntur verðtryggingunni út af lífeyrissjóðunum  en ekki lengur ,en það bjó bara til smákóngaveldi,Vildi frekar eiga mína íbúð en húsnæðislán virðast engan enda taka.borgast niður seint og illa svo maður siglir inn í efri árin með húsnæðisskuldir á bakinu  .Síðan eru smákóngarnir búnir að ávaxta ekkert  allt  of  vel lífeyrissjóðinn blessaða .Allt þetta  dótarí  gæti verið deild í Tryggingastofnun Ríkisins með nokkrum manneskjum  og náð ekkert síðri árangri.Meðalraunávöxtun lífeyrissjóða 2% síðustu 10 ár Hefði getað lagt þetta sjálfur á bundinn sparireikning.Verðtryggingin er líka búin að gera smákóngaveldi hér á landi.Bankakrísan líka ,því íslenskir fjármálamenn ofmetnuðust út af verðtryggingagróðanum en duttu á bossann í útlandinu.Voru engir stór séní.

[Magnús Orri Einarsson (IP-tala skráð) 24.2.2010 kl. 14:12]

Þessi grein birtist fyrst í Morgunblaðinu og átti vissulega við aðrar aðstæður en eru nú (2006) en lögmálið er samt það sama.

SJÁ HÉR

Verðtryggingin er einn af höfuð-syndunum í Íslensku fjármálakerfi og án hennar hefði aldrei farið eins og fór.

[Theódór Norðkvist, 24.2.2010 kl. 14:46]

Margir halda að verðtrygging merki það að raunvextir séu uppgefnir vextir að viðbættri verðbólgutölu. T.d. ef vextir eru 4,8% og verðbólgan 5% merki það að raunvextir séu 9,8%.

Er þetta rétt?

Nei. Rangt.

Ég fór inn í reiknivél eins bankans og prófaði að reikna greiðslubyrði af 10 millj. króna láni til 40 ára. Miðað við 4,8% vexti og 5% verðbólgu.

Niðurstaðan:

Lánið greitt sjöfalt til baka. 60 milljónir í vexti.

Séu vextirnir reiknaðir sem hlutfall af upphaflegri lánsfjárhæð (10 millj.) fáum við út meðalvaxtaprósentuna

15%. Takk fyrir. Ekki 9,8%.

Sé óverðtryggt lán tekið með 9,8% vöxtum er verið að greiða tæpar 20 milljónir í vexti. Þriðjung af vaxtabyrði verðtryggða lánsins.

Meðalvaxtabyrði af upphaflegu lánsfjárhæðinni er 5%, vegna þess að þú greiðir óverðtryggða lánið niður allan lánstímann.

Segið svo að verðtryggingin sé ekki þjófnaður.

[Magnús Orri Einarsson (IP-tala skráð) 24.2.2010 kl. 15:08]

Theódór,

Það er önnur breyta sem þarna sem gæti verið að rugla þig en það kemur svo sem út á eitt.

Eru bæði lánin "jafngreiðslulán"? Það hefur mikið að segja fyrir greiðslubyrðina í upphafi en eykur vaxtakostnað á heildina litið. 

[Theódór Norðkvist, 24.2.2010 kl. 16:53]

Útreikningarnir á verðtryggða láninu miðast við jafngreiðslulán. Langflestir taka jafngreiðslulán.

Dæmið með óverðtryggða lánið er einfaldur afborgunarsamningur. Vextir greiðast jafnóðum og bætast aldrei við höfuðstólinn. Veit ekki hvað það er kallað á bankamáli.

[Theódór Norðkvist, 24.2.2010 kl. 16:58]

Jafnar afborganir koma aðeins betur út en jafngreiðslulán. Þá ertu ekki að borga "nema" fimmfalt lánið til baka, 40 millj. í vexti.

Það eru samt tvöfaldir vextir á við óverðtryggt lán með 9,8% vöxtum.

[Magnús Orri Einarsson (IP-tala skráð) 24.2.2010 kl. 20:24]

Ég er alveg á þinni (ykkar) línu verðtrygging er glæpur og ætti að hverfa eigi síðar en strax. Verðtryggð lán eru eitt óhagkvæmasta lánaform sem til er í veröldinni, yfirdráttur er jafnvel skárri.

Venjulegt afborgunarlán er ekki kallað neitt sérstækt.

[Arnar Bergur Guðjónsson, 24.2.2010 kl. 23:58]

Ég sé ekkert að því að taka íbúðalán og borga tilbaka eitthvað meira en lánsupphæðinn...en að vera borga hátt í 100 milljónir fyrir 14,8 milljón króna lán er nátturulega bara algjört kjaftæði.

Mig langar helst að fara gera eitthvað af mér í þessu þjóðfélagi.
Ég sjálfur er alveg að fara yfir um á þessu rugli sem maður fær.
Geðveikin bankar að dyrum, hef ekki hleypt henni inn sem stendur, en það er ekki langt í að það gerist.

Guð hjálpi þeim þá sem stjórna!